A ESTACION
CENTRO DE EMPRENDEMENTO
“Un espazo para poñer en marcha a túa idea”
Enfoque dende o rural e visión global para
Xeración e consolidación de ideas de negocio
Non só coworking: pensamos contigo
O PROXECTO
Este proxecto parte inicialmente dun plan destinado á recuperación e posta en valor de toda a estación do ferrocarril de Santa Cruz de Ribadulla-Vedra e dos espazos que a compoñen como “Centro de emprendemento”. Unha labor que se veu desenvolvendo ao longo de 15 anos en diferentes fases dada a amplitude da mesma.
Esta rehabilitación foi financiada co apoio de diferentes organismos, como o GDR Terras de Compostela e a Xunta de Galicia.
No ano 2021 asinamos un convenio de colaboración coa Deputación da Coruña para a dinamización do centro de emprendemento A Estación, e pasamos a formar parte da Rede Provincial de Espazos de Traballo. O obxectivo: ser un axente de referencia que estimule a economía local de Vedra.
Que somos?
Somos un espazo multifuncional que alberga unha zona de traballo coworking para proxectos emprendedores e empresariais.
O centro conta cun servizo presencial e personalizado de asesoramento, consultaría e titoría, orientado á posta en marcha, seguimento e aceleración de ideas, negocios e empresas.
Cada proxecto seleccionado entrará nun programa de asesoramento individualizado e grupal articulado en sesións de avaliación, capacitación e acompañamento, que incluirán tanto aspectos de orientación de mercado, desenvolvemento de produto ou servizo, plan de negocio, marketing, financiamento ou aspectos de xestión xeral.
Podes ver o noso vídeo promocional premendo no enlace: https://youtu.be/UN8PnIKmRYk
Para información sobre @s nos@s coworkers: https://redecoworking.pel.gal/coworking/centro-de-emprendemento-a-estacion-vedra/
Quen se pode beneficiar do noso labor?
Persoas emprendedoras, asociacións e empresas existentes, as cales teñen cabida nas 4 liñas de apoio e asesoramento vixentes.
O espazo multifuncional
A Estación conta con diversos espazos de traballo, dúas salas de reunións, unha aula de formación, un coworking con ata 10 postos fixos, un pequeno auditorio e un espazo multiúsos.
FORMACION
Plan de formación 2023:
A partires de setembro retomaremos coas formacións en A Estación. Imos desenvolver unha serie de cursos gratuítos non só dirixidos a coworkers senón ao público en xeral.
Os cursos son presenciais e desenvolveranse na aula de formación de A Estación. O nº máximo de asistentes virá determinado en cada convocatoria.
Teñen prioridade as persoas, empresas e entidades de Vedra, pero está aberto a calquera persoa procedente doutro Concello. De feito, no caso de maior demanda poderanse programar novas edicións para atendela.
Algúns dos cursos previstos son:
- Obradoiros dunha única xornada, de entre 2 a 5 horas de duración:
- Habilidades sociais
- Educación emocional
- Proxecto persoal
- Servizo de orientación
- Oratoria
- Primeiros auxilios
- Cata de viños.
- Cursos de 10 horas de duración:
- Educación emocional
- Coaching
- Cursos sobre potenciais xacementos de emprego. Pendentes de definir.
No noso Facebook iremos dando a coñecer a programación así como información detallada de cada un dos cursos.
Estes son algúns dos cursos desenvolvidos durante o ano 2023.
E estes algúns dos desenvolvidos durante o ano 2022. Dispoñemos material formativo gratuíto que podemos facer chegar a quen nolo solicite en aestacion@concellodevedra.gal.
SOLICITAR PRAZA
Solicitude de inscrición no Centro de Emprendemento A Estación
Vedra pon en marcha un novo centro de emprendemento aberto a emprendedores e emprendedoras e empresas de nova creación. Ofrece espazos de traballo, formacións individuais e grupais e eventos en rede con vistas a posibles sinerxias e colaboracións. Interésache?
Quen pode acceder?
Calquera persoa física ou xurídica que se atope dentro dos seguintes apartados:
1. Persoas emprendedoras: aquelas persoas que, ben de forma individual ou en grupo, estean a traballar nunha idea/proxecto e vaian crear unha empresa.
2. Autónomos/as, empresas e entidades que desenvolvan algunha actividade dende fai menos de 2 anos. O esencial é que a liña de actividade para a que se solicite apoio non leve 2 anos dende a alta no IAE correspondente.
3. Usuari@s puntuais: aquelas persoas físicas ou xurídicas que, con carácter esporádico e puntual, soliciten a utilización das instalacións e/ou servizos do Espazo de Traballo para actuacións vinculadas co emprendemento ou a actividade empresarial que desenvolvan.
ONDE ESTAMOS
O Centro de Emprendemento “A Estación” localízase no lugar de Galegos nº 28, na parroquia de Santa Cruz de Ribadulla (Concello de Vedra), no entorno da antiga estación do tren.
SOLICITAR UNHA VISITA